Tax Kerala
Home 
About Tax Kerala 
Make An Enquiry 
ജിഎസ്ടി എന്ഫോഴ്സ്മെന്റില് വന് അഴിച്ചുപണി; കൈക്കൂലി കേസിന് പിന്നാലെ 18 ഉദ്യോഗസ്ഥര്ക്ക് സ്ഥലംമാറ്റം
Posted On Mar 15, 2026എന്ഫോഴ്സ്മെന്റ് ഓഫീസര് പാലക്കാട് പുതുശ്ശേരി സ്വദേശിയായ ഓഫീസർ പിടിയിലായതിന് പിന്നാലെയാണ് നടപടി
പാലക്കാട്: പാലക്കാട് ജില്ലയിലെ ജിഎസ്ടി എന്ഫോഴ്സ്മെന്റ് വിഭാഗത്തില് വന് അഴിച്ചുപണി. കൈക്കൂലി ആരോപണത്തില് ഉദ്യോഗസ്ഥന് പിടിയിലായതിന് പിന്നാലെയാണ് വകുപ്പിലെ എല്ലാ ജീവനക്കാര്ക്കും സ്ഥലംമാറ്റം ലഭിച്ചിരിക്കുന്നത്. ജിഎസ്ടി വകുപ്പിന്റെ വാളയാര് എന്ഫോഴ്സ്മെന്റ് സ്ക്വാഡിലെ എന്ഫോഴ്സ്മെന്റ് ഓഫീസര് പാലക്കാട് പുതുശ്ശേരി സ്വദേശി പിടിയിലായതിന് പിന്നാലെയാണ് നടപടി. ഇയാളെ പിന്നീട് സസ്പെന്ഡ് ചെയ്യുകയും ചെയ്തു.
ജില്ലയിലെ ചരക്ക് സേവന നികുതി വകുപ്പിലെ 15 ഉദ്യോഗസ്ഥര്, അസിസ്റ്റന്റ്/ഡെപ്യൂട്ടി സ്റ്റേറ്റ് ടാക്സ് ഓഫീസര്മാരും (എഎസ്ടിഒ/ഡിഎസ്ടിഒ) ഉള്പ്പെടെ 18 പേര്ക്ക് എതിരെയാണ് നടപടി. പാലക്കാട് ജില്ലയില്, അഞ്ച് ജിഎസ്ടി എന്ഫോഴ്സ്മെന്റ് വിഭാഗങ്ങളിലായി 20 ഉദ്യോഗസ്ഥര് ആണ് ഉണ്ടായിരുന്നത്. ഇതില് ഒരാള് ഫെബ്രുവരി 28 ന് വിരമിച്ചിരുന്നു. ഇതിന് പിന്നാലെ ഇറങ്ങിയ ഉത്തരവിലാണ് ഉദ്യോഗസ്ഥരെ കൂട്ടമായി സ്ഥലം മാറ്റിയത്. ഇവര്ക്ക് പകരമായി തൃശൂര്, മലപ്പുറം, കാസര്കോട് ജില്ലകളില് നിന്ന് 15 ഉദ്യോഗസ്ഥരെയാണ് നിയോഗിച്ചിരിക്കുന്നത്. ഇവര് അടിയന്തരമായി ചുമതല ഏറ്റെടുക്കണം എന്നും നിര്ദേശിച്ചിട്ടുണ്ട്.
കൂട്ട നടപടിയില് ഉദ്യോഗസ്ഥര്ക്കിടയില് ശക്തമായ പ്രതിഷേധത്തിന് വഴിവച്ചു. ഒരു ജില്ലയിലെ മുഴുവന് എന്ഫോഴ്സ്മെന്റ് ജീവനക്കാരെയും സ്ഥലം മാറ്റുന്നത് ഉദ്യോഗസ്ഥരുടെ മനോവീര്യം കെടുത്തുന്നതാണെന്നാണ് പ്രധാന വാദം. നടപടി നേരിട്ടവരില് മികച്ച ട്രാക്ക് റെക്കോര്ഡ് ഉള്ള ഉദ്യോഗസ്ഥരും ഉണ്ടെന്നാണ് പ്രതിഷേധക്കാരുടെ വാദം.
സ്ക്രാപ്പ് കൊണ്ടുപോകുന്ന രണ്ട് ചരക്ക് വാഹനങ്ങളില് നിന്ന് നിയമനടപടികളും പിഴയും ഒഴിവാക്കാന് കൈക്കൂലി ആവശ്യപ്പെട്ടെന്ന പരാതിയിലാണ് വാളയാര് എന്ഫോഴ്സ്മെന്റ് സ്ക്വാഡില് എന്ഫോഴ്സ്മെന്റ് ഓഫീസറിനെതിരെ നടപടി ഉണ്ടായത്. ഓഫീസർ 4 ലക്ഷം രൂപ കൈക്കൂലി ആവശ്യപ്പെടുകയും പിന്നീട് 3.5 ലക്ഷം രൂപയായി കുറച്ച് നല്കുകയും ചെയ്തു. പണം കൈപ്പറ്റുന്നതിനിടെ ലോറി ജീവനക്കാരായി വേഷംമാറിയെത്തിയ വിജിലന്സ് ഉദ്യോഗസ്ഥരാണ് ഓഫീസറെ പിടികൂടിയത്.
ഇത്തരത്തിലുള്ള വാർത്തകൾക്ക് Tax Kerala യെ പിന്തുടരൂ...
സാമ്പത്തിക-നികുതി ലോകത്തെ വാർത്തകളും വിശകലനങ്ങളും WHATSAPP വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ...
https://chat.whatsapp.com/GoyrNUkoWKqKCcBMDDaJKw?mode=gi_t
ടാക്സ് കേരള വായിക്കൂ... വരിക്കാരാകൂ
Related items
2026-27 പുതുക്കിയ ബജറ്റ് നാളെ; ധനകാര്യ ദിശ നിർണയിക്കുന്ന നിർണായക പ്രഖ്യാപനങ്ങൾ പ്രതീക്ഷിച്ച് കേരളം
Posted on 18 Jun 2026
കെഎസ്ആർടിസി സാമ്പത്തിക പുനരുജ്ജീവനത്തിന് 75 പ്രായോഗിക നിർദ്ദേശങ്ങൾ; മുഖ്യമന്ത്രിക്കും ഗതാഗത മന്ത്രിക്കും ടാക്സ് കേരള സമർപ്പിച്ചു
Posted on 18 Jun 2026
ജിഎസ്ടി ഓഡിറ്റ് വിഭാഗം വന്നിട്ടും തീരാതെ നികുതിച്ചോർച്ച; ഏറ്റവും കൂടുതൽ നികുതി ലഭിക്കുന്ന എറണാകുളത്തും ഗുരുതര വീഴ്ചകൾ, അഴിച്ചുപണിക്ക് സർക്കാർ
Posted on 17 Jun 2026
റസ്റ്ററന്റുകൾക്കും ബേക്കറികൾക്കും ഇനി ആജീവനാന്ത ലൈസൻസ്; ലൈസൻസ് പുതുക്കൽ ബാധ്യത ഒഴിവാക്കി
Posted on 17 Jun 2026
ക്ഷേമപെൻഷൻ തട്ടിപ്പ് തടയാൻ AI സംവിധാനം വേണം; കോടികളുടെ ചോർച്ച ഒഴിവാക്കാമെന്ന് നിർദേശം
Posted on 15 Jun 2026
എഴുപുന്ന കളിസ്ഥല ഭൂമി ഇടപാട്: വിജിലൻസ് അന്വേഷണം കിഴക്കൻ മേഖല ഓഫീസിന് കൈമാറി; ജോയിന്റ് ഡയറക്ടറുടെ റിപ്പോർട്ടിൽ നിർണായക വിവരങ്ങൾ
Posted on 13 Jun 2026
;)
