News and Articles
Home 
About News and Articles 
articles 
Make An Enquiry 
ഡി-ലിറ്റ് വിവാദം; കേരള യൂണിവേഴ്സിറ്റി പ്രത്യേക സിന്ഡിക്കേറ്റ് യോഗം ഇന്ന്
ഡി-ലിറ്റ് വിവാദങ്ങള്ക്കിടെ കേരള യൂണിവേഴ്സിറ്റി പ്രത്യേക സിന്ഡിക്കേറ്റ് യോഗം ഇന്ന് ചേരും. രാഷ്ട്രപതിക്ക് ഡി-ലിറ്റ് നല്കുന്നതുള്പ്പെടെ വിഷയം ചര്ച്ച ചെയ്യുന്നതിനാണ് യോഗം ചേരുന്നത്. യൂണിവേഴ്സിറ്റി വൈസ് ചാന്സലര്ക്കെതിരെ ഗവര്ണര് ആരിഫ് മുഹമ്മദ് ഖാന് ഉന്നയിച്ച പരാമര്ശങ്ങളില് നിലവില് അതൃപ്തരാണ് സിന്ഡിക്കേറ്റ് അംഗങ്ങള്. ഇക്കാര്യം ഇന്ന് ചേരുന്ന യോഗത്തില് ചര്ച്ചയായേക്കും. ഇന്നുച്ചയ്ക്ക് കേരള സര്വകലാശാല ആസ്ഥാനത്ത് വിസി വി.പി മഹാദേവന് പിള്ളയുടെ അധ്യക്ഷതയിലാണ് യോഗം ചേരുന്നത്.വിഷയത്തില് ഗവര്ണര്ക്ക് താന് അയച്ച കത്ത് സമ്മര്ദം കൊണ്ടെഴുതിയതാണെന്ന് വി സി വിശദീകരിച്ചു. മനസ് പതറുമ്പോള് കൈവിറച്ച് പോകുന്ന സാധാരണത്വം ഒരു കുറവായി കാണുന്നില്ല. ഗുരുഭൂതന്മാരുടെ നല്ല പാഠങ്ങള് ഉള്ക്കൊള്ളാന് പരമാവധി ശ്രമിക്കും. ജീവിതത്തിന്റെ ഗ്രാമറും സ്പെല്ലിംഗും തെറ്റാതിരിക്കാന് പരമാവധി ജാഗരൂകനാണെന്നും വിസി പ്രതികരിച്ചു. വി സി അയച്ച കത്തിനെതിരെ ഗവര്ണര് നടത്തിയ വിമര്ശനത്തിനാണ് വിശദീകരണം. കൂടുതല് പ്രതികരിക്കാനില്ലെന്നും അദ്ദേഹം പറഞ്ഞു.
;)
