ഇന്നത്തെ പാചകക്കുറിപ്പ് : പുളിയിട്ട മീൻ കറി

നല്ല നാടൻ മീൻ കറി , അതും കൂട്ടി കപ്പപുഴുക്കു കഴിച്ചാൽ കിട്ടുന്ന സ്വാദ് മലയാളിക്ക് ഒരിക്കലും മറക്കാൻ സാധ്യമല്ല. വളരെ എളുപ്പത്തിൽ തയ്യാറാക്കാവുന്നതാണീ മീൻ കറി മീൻ കറിയുണ്ടാക്കാൻ വേണ്ടുന്ന സാധനങ്ങൾ : മീൻ (മത്തിയോ , അയിലയോ ) വൃത്തിയാക്കിയത് , വെളിച്ചെണ്ണ , കടുക് , ഉലുവ , വെളുത്തുള്ളി , വറ്റൽ മുളക് , ചെറിയ ഉള്ളി ചതച്ചത് , ഇഞ്ചി ചതച്ചത് , മുളകുപൊടി , മഞ്ഞൾപൊടി , വാളൻപുളി , കായം , വെള്ളം ,കറിവേപ്പില തയ്യാറാക്കേണ്ടുന്ന വിധം : മുളകുപൊടി, മഞ്ഞൾപൊടി, വെളുത്തുള്ളി, ചതച്ചു വെച്ചിരിക്കുന്ന ഉള്ളി, ഇഞ്ചി എന്നിവ നന്നായി അരച്ച് മാറ്റി വെക്കുക . ചട്ടി ചൂടാകുമ്പോൾ വെളിച്ചെണ്ണ ഒഴിച്ച് കടുക് താളിക്കുക . എന്നിട്ടു ഇതിലേക്ക് അരച്ച് വെച്ചിരിക്കുന്ന അരപ്പ് ചേർത്ത്, പച്ചമണം മാറുന്ന വരെ ഇളക്കുക . പച്ചമണം മാറി കഴിയുമ്പോൾ ഇതിലേക്ക് വെള്ളം ഒഴിച്ച് മീനും, പുളിയും, ഉപ്പും ചേർത്ത് വേവാൻ വെക്കുക. നന്നായി വെന്തു തിളച്ചു പറ്റി കഴിയുമ്പോൾ, സ്വല്പം കായപ്പൊടി തൂവി വാങ്ങാം. ചാർ വേണ്ടവർക്ക്, വെള്ളം വാറ്റും മുമ്പ് വാങ്ങാം.

Fish Curry Recipe