ഫ്രിഡ്ജിനു വെളിയിൽ സ്ഥാനം പിടിക്കേണ്ട ഭക്ഷണപതാർത്ഥങ്ങൾ

1 . അച്ചാറുകൾ : ധാരാളം ഉപ്പും വിനാഗിരിയും ഒക്കെ ചേർത്തുണ്ടാക്കുന്ന അച്ചാറുകൾ ഫ്രിഡ്ജിൽ സൂക്ഷിക്കുന്ന കൊണ്ട് പ്രത്യേകിച്ച് ഗുണം ഒന്നും തന്നെയില്ല. അവ എത്ര നാൾ വേണമെങ്കിലും പുറത്ത് സൂക്ഷിക്കാം .

2 . തക്കാളി : തക്കാളി ഫ്രിഡ്ജിൽ സൂക്ഷിച്ചാൽ , അതിന്റെ ക്രിസ്‍പി സ്വഭാവവും സ്വാഭാവിക രുചിയും നഷ്ടപ്പെടും.

3 . വഴുതന : ഒരു കാരണവശാലും ഫ്രിഡ്ജിലും സൂക്ഷിക്കാൻ പാടില്ലാത്ത ഒന്നാണ് വഴുതന . തക്കാളിയുടേത് പോലെ തന്നെ , അതിന്റെ സ്വാഭാവിക ഗുണവും രുചിയും എല്ലാം തന്നെ നഷ്ടപ്പെടും. അത് കൊണ്ട് തന്നെ വഴുതന വാങ്ങിയാൽ ഉടൻ തന്നെ പാകം ചെയ്തു കഴിക്കുന്നതാണ് നല്ലത് .

4 . വെളുത്തുള്ളി : എളുപ്പത്തിന് വേണ്ടി തൊലി കളഞ്ഞ് ഫ്രിഡ്ജിൽ വെക്കുന്ന ഒന്നാണ് വെളുത്തുള്ളി . എന്നാൽ ഇതുമൂലം സംഭവിക്കുന്നത് , വെളുത്തുള്ളി ഉപയോഗിക്കുമ്പോൾ കിട്ടേണ്ട എല്ലാ ഗുണങ്ങളും നഷ്ടപ്പെടുക എന്നതാണ് .

5 . പീനട്ട് ബട്ടർ : എക്സ്പയറി തീയതി കഴിയുന്നത് വരെ ധൈര്യമായി വെളിയിൽ സൂക്ഷിക്കാവുന്ന ഒന്നാണ് പീനട്ട് ബട്ടർ.

ഫ്രിഡ്ജിൽ നിന്ന് പുറത്തു ചാടിക്കേണ്ട വസ്തുക്കൾ ഇനിയും ഉണ്ട് . കാപ്പിപ്പൊടി , കെച്ചപ്പ് , സോസ് തുടങ്ങി നിരവധി സാധനങ്ങൾ കേടുകൂടാതെ വെളിയിൽ സൂക്ഷിക്കാൻ കഴിയുന്നതാണ് .