ഒരു മസാലദോശ, രണ്ട് ചായ: ഈ ബസിൽ കയറൂ.. കെഎസ്ആർടിസി പിങ്ക് കഫേ ചായ കുടിക്കാം

കെഎസ്ആർടിസി ബസിൽ കയറി ഇനി ധൈര്യമായി പറയാം– ഒരു മസാലദോശ, രണ്ട് ചായ. മൂന്നാർ കെഎസ്ആർടിസി ഡിപ്പോയിൽ പ്രവർത്തനം ആരംഭിച്ച പിങ്ക് കഫേയിലാണ് ഇതിനുള്ള സൗകര്യം. കുടുംബശ്രീ ഇടുക്കി ജില്ലാ മിഷൻ ദേവികുളം ബ്ലോക്ക്‌ പഞ്ചായത്തിന്റെ സഹകരണത്തോടെയാണ് കഫേ തുടങ്ങിയിരിക്കുന്നത്. കെഎസ്ആർടിസിയുടെ ഉപയോഗശൂന്യമായ ബസുകൾ പുനരുപയോഗിക്കുന്നതിന്റെ ഭാഗമായാണ് പദ്ധതി.അറ്റകുറ്റപ്പണി ചെയ്ത് മോടി പിടിപ്പിച്ച ബസ് ആണ് കഫേയായി ഉപയോഗിക്കുന്നത്. ബസ് സ്റ്റാൻഡിൽ നിർത്തിയിട്ടിരിക്കുന്ന ഈ ബസിൽ ഒരേസമയം 20 പേർക്ക് ഇരുന്ന് ഭക്ഷണം കഴിക്കാം. കുടുംബശ്രീ വനിതകൾക്കാണ് കഫേയുടെ ചുമതല. 14 പേർക്കാണ് ഇതുവഴി തൊഴിൽ ലഭിച്ചത്.രാവിലെ 5 മുതൽ രാത്രി 11 വരെയാണ് പ്രവർത്തന സമയം. ഉച്ചഭക്ഷണം ഉൾപ്പെടെ ലഭ്യമാണ്. ഹോം ഡെലിവറിയും ഉദ്ദേശിക്കുന്നുണ്ട്. മന്ത്രി പി.എ.മുഹമ്മദ്‌ റിയാസ് ഓൺലൈനായി ഉദ്ഘാടനം ചെയ്തു. ഡിപ്പോയിൽ നടന്ന ചടങ്ങിൽ എ.രാജ എംഎൽഎ, സബ്കലക്ടർ രാഹുൽ കൃഷ്ണ ശർമ, പഞ്ചായത്ത്‌ പ്രസിഡന്റ്‌ പ്രവീണ രവികുമാർ, എടിഒ എ.അഭിലാഷ്, ഡിപ്പോ ഇൻചാർജ് സേവി ജോർജ്, കുടുംബശ്രീ അംഗങ്ങൾ തുടങ്ങിയവർ പങ്കെടുത്തു. Story Highlight:- Kudumbashree launches ‘Pink Cafe’ in KSRTC Bus

Share

Save for Later

Related items

ഇന്ന് ലോക തപാൽ ദിനം

കോട്ടയം പബ്ലിക് ലൈബ്രറി പ്രകാശിക്കുക ഇനി സൗരോർജത്തിലൂടെ

ലോക മാനസികാരോഗ്യ ദിനം

കോട്ടയം ആലപ്പുഴ ബോട്ട് യാത്ര ആഘോഷമാക്കി യാത്രക്കാർ

പാലാ കാഞ്ഞിരമറ്റം കെ എസ് ആർ ട്ടി സി ബസ് സർവീസിന് വയസ്സ് അൻപത്

പെൺകുട്ടികളുടെ അന്താരാഷ്ട്ര ദിനം