ചർമ്മകാന്തിക്ക് കാപ്പി പൊടികൊണ്ടുള്ള ഫേസ് പാക്കുകൾ

•  കാപ്പിപ്പൊടി പാൽ മിശ്രിതം

  കാപ്പിപൊടിയും പാലും ചേർത്ത് നന്നായി മിക്സ് ചെയ്തു, മുഖത്തും കഴുത്തിലും പുരട്ടി ഇരുപത് മിനിറ്റിനു ശേഷം തണുത്ത വെള്ളത്തിൽ കഴുകി കളയുക . കാപ്പിപൊടിയിൽ അടങ്ങിയിട്ടുള്ള കഫിനും പാലും ചേരുമ്പോൾ, ചർമ്മത്തിൽ അടിഞ്ഞു കൂടിയിട്ടുള്ള അഴുക്കിനെ ഇല്ലാതാക്കുകയും, ചർമ്മത്തിന് ശോഭ നൽകുകയും ചെയ്യുന്നു. കറുത്ത കണ്തടങ്ങൾക്കും ഈ പാക്ക് അത്യുത്തമം ആണ് .

• കാപ്പിപ്പൊടി മഞ്ഞൾ മിശ്രിതം

  ആവശ്യത്തിന് കാപ്പിപ്പൊടി, മഞ്ഞൾപൊടി , തൈര് എന്നിവ നന്നായി യോജിപ്പിച്ചതിനു ശേഷം മുഖത്തിലും കഴുത്തിലും പുരട്ടി , ഇരുപത് മിനിറ്റിനു ശേഷം കഴുകി കളയുക . ഇതിൽ അടങ്ങിയിട്ടുള്ള വിറ്റാമിൻ സി , A H A എന്നിവ, മുഖക്കുരു ഉണ്ടാവുന്നത് തടയാനും,വരണ്ട ചർമ്മത്തെ ഈർപ്പമയമുള്ളതും ആക്കുന്നു.

• കാപ്പിപ്പൊടി തേൻ മിശ്രിതം

  തിളങ്ങുന്നതും മിനുസമാർന്നതുമായ ചർമ്മം ലഭിക്കുന്നതിന് കോഫിയും തേനും അടങ്ങിയ ഈ കോഫി തേൻ മാസ്ക് നല്ലതാണ്. എല്ലാത്തരം ചർമ്മത്തിനും ഇത് 100% ഹെർബൽ ഫെയ്സ് മാസ്കാണ്. ആവശ്യത്തിന് കാപ്പിപൊടിയും തേനും ചേർത്ത് യോജിപ്പിച്ചതിനു ശേഷം മുഖത്തു പുരട്ടുക. പതിനഞ്ചു ഇരുപതു മിനിറ്റിൽ കഴുകി കളയുക. ചർമ്മത്തിന്റെ യുവത്വം നിലനിർത്താൻ ഈ മിശ്രിതം മികച്ചതാണ് .

• കാപ്പിപ്പൊടി നാരങ്ങ നീര് മിശ്രിതം

  വിറ്റാമിൻ സി കൊണ്ട് സമ്പുഷ്ടമായ നാരങ്ങയും ചർമ്മത്തിന്റെ നിറം കുറയ്ക്കുന്നതിന് പേരുകേട്ട കോഫിയും ചേരുമ്പോൾ , ചർമ്മത്തിന് മൃദുത്വവും മിനുസവും നൽകുന്നു .കാപ്പിപൊടിയും നാരങ്ങാനീരും ചേർത്ത് മിശ്രിതം തയ്യാറാക്കി ആഴ്ചയിൽ ഒന്ന് മുഖത്തു പുരട്ടുക .

• കാപ്പിപ്പൊടി വെളിച്ചെണ്ണ മിശ്രിതം

  കോഫി ബീനിലെ സത്തും വെളിച്ചെണ്ണയുടെ സമൃദ്ധിയും ചേരുമ്പോൾ ഇതൊരു മികച്ച സ്‌ക്രബും മാസ്കും ആയി പ്രവർത്തിക്കുന്നു, ഇത് ചർമ്മത്തിലെ കോശങ്ങളെ ആഴത്തിൽ നീക്കം ചെയ്യുകയും ചർമ്മത്തെ പോഷിപ്പിക്കുകയും ചെയ്യുന്നു. ആഴ്ചയിൽ രണ്ടു തവണ ഈ മിശ്രിതം ഉപയോഗിക്കുക .

Five different face packs using coffee powder for beautiful and young skin.