ക്രിസ്തുമസ് സ്പെഷ്യൽ : ചില്ലി ഫിഷ് മസാല

കഴിഞ്ഞ ദിവസം ക്രിസ്തുമസ് സ്പെഷ്യൽ ആയി തയ്യാറാക്കിയത് പെപ്പർ ചിക്കൻ ആയിരുന്നു. ഇന്ന് നമ്മുക്ക് ഒരു മീൻ വിഭവമാകാം - ചില്ലി ഫിഷ് മസാല വേണ്ടുന്ന സാധനങ്ങൾ : ചെറുതായി അരിഞ്ഞ മീൻ കഷണങ്ങൾ , കറുവപ്പട്ട , ഏലക്ക പൊടിച്ചത് , പെരും ജീരകം , ഗ്രാമ്പു , തക്കോലം , സവാള അരിഞ്ഞത് , പച്ചമുളക് , വറ്റൽ മുളക് , ഇഞ്ചി വെളുത്തുള്ളി പേസ്റ്റ് , മഞ്ഞൾപൊടി , മുളകുപൊടി , മീൻ മസാല പൊടി , വാളൻപുളി പിഴിഞ്ഞ വെള്ളം , ടൊമാറ്റോ സോസ് , എണ്ണ , ഉപ്പ് ,നാരങ്ങാനീര് , വെള്ളം തയ്യാറാക്കുന്ന വിധം : മുറിച്ചു വെച്ചിരിക്കുന്ന മീൻ കഷ്ണങ്ങൾ നന്നായി കഴുകി വൃത്തിയാക്കിയതിനു ശേഷം, അല്പം നാരങ്ങാനീരും മഞ്ഞൾപൊടിയും ചേർത്ത് വെള്ളത്തിൽ കുറച്ചു നേരം വെക്കുക . എന്നിട്ടു കഴുകി മാറ്റി വെക്കുക . സവാളയും , പച്ചമുളകും , വറ്റൽ മുളകും കൂടി ചേർത്ത് നന്നായി അരച്ച് പേസ്റ്റ് പരുവത്തിലാക്കുക . ഒരു പാൻ എടുത്തു എണ്ണ ഒഴിച്ച് ചൂടായതിനു ശേഷം കറുവപ്പട്ട, പെരും ജീരകം, ഗ്രാമ്പൂ , തക്കോലം എന്നിവ ഇട്ടു നന്നായി വഴറ്റുക . ഇതിലേക്ക് പേസ്റ്റ് പരുവത്തിൽ അരച്ച് വെച്ചിരിക്കുന്ന സവാളകൂട്ടും, ഇഞ്ചി വെളുത്തുള്ളി പേസ്റ്റും ഇട്ടു , വീണ്ടും വഴറ്റുക .തീ അല്പം കുറച്ചതിനു ശേഷം , മഞ്ഞൾപൊടി , മുളകുപൊടി , മീൻ മസാല പൊടി എന്നിവ ചേർത്ത് വീണ്ടും വഴറ്റുക .ഇതിലേക്ക് വാളൻപുളി പിഴിഞ്ഞ് വെച്ചിരിക്കുന്ന വെള്ളം ഒഴിക്കുക ഒപ്പം ആവശ്യത്തിന് ടൊമാറ്റോ സോസും ഉപ്പും ചേർക്കുക . ഇതിലേക്ക് വെള്ളം ഒഴിച്ച് ഗ്രേവി നന്നായി തിളക്കാൻ വെക്കുക . തിളച്ചു തുടങ്ങുമ്പോൾ, വൃത്തിയാക്കി വെച്ചിരിക്കുന്ന മീൻ കഷണങ്ങൾ ചേർത്ത്, അടച്ചു വെച്ച് വേവിക്കുക. ഇടയ്ക്കിടയ്ക്ക് നന്നായി ഇളക്കി കൊടുക്കുക. വെന്തു ചാർ പറ്റി , അരപ്പെല്ലാം മീൻ കഷണത്തിൽ നന്നായി പിടിച്ചു വരണ്ടു വരുമ്പോൾ, തീ അണച്ച് ചൂടോടെ വിളബാം ചില്ലി ഫിഷ് മസാല .

Recipe of Chilly Fish Masala