മുട്ട കറി ഉണ്ടാക്കുന്ന വിധം

മുട്ട ഇഷ്ടപ്പെടാത്തവരായി ആരുമുണ്ടാവില്ല. ഓംലെറ്റുണ്ടാക്കിയും, ബുൾസൈ ഉണ്ടാക്കിയും, പല രൂപത്തിൽ തീന്മേശയിൽ എത്തുന്ന ഒരാളാണ് മുട്ട. ഒരു കിടിലൻ മുട്ട കറി എങ്ങിനെ ഉണ്ടാക്കാം എന്ന് നോക്കാം മുട്ട കറിക്കു വേണ്ട സാധനങ്ങൾ : പുഴുങ്ങിയ മുട്ട, സവാള, തക്കാളി , ഇഞ്ചി വെളുത്തുള്ളി പേസ്റ്റ്, എഗ്ഗ് മസാല പൊടി, ഗരം മസാല, ഉപ്പ് , എണ്ണ , വെള്ളം തയ്യാറാക്കേണ്ടുന്ന വിധം : സവാള , തക്കാളി എന്നിവ നന്നായി ചെറുതാക്കി അരിയുക . മുട്ട പുഴുങ്ങി, തോട് കളഞ്ഞു മാറ്റി വെക്കുക. ഇനി ഒരു പാനെടുത്തു അതിൽ അല്പം എണ്ണ ഒഴിക്കുക . എണ്ണ ചൂടായി വരുമ്പോൾ അരിഞ്ഞു വെച്ചിരിക്കുന്ന സവാള അതിലേക്കു ചേർക്കുക. നന്നായി വഴറ്റുക. ബ്രൗൺ നിറമാകുമ്പോൾ , അരിഞ്ഞു വെച്ചിരിക്കുന്ന തക്കാളി അതിലേക്കു ചേർത്ത് നന്നായി വഴറ്റുക. ഇതിലേക്ക് ആവശ്യത്തിന് ഇഞ്ചി വെളുത്തുള്ളി പേസ്റ്റ്, എഗ്ഗ് മസാല പൊടി , ഗരം മസാല പൊടി എന്നിവ ചേർക്കുക. എണ്ണ തെളിഞ്ഞു വരുന്നത് വരെ വഴറ്റുക . അത്രയും ആകുമ്പോൾ, പുഴുങ്ങി വെച്ചിരിക്കുന്ന മുട്ട നടുവേ കീറി , ഇതിലേക്ക് ചേർക്കുക. മസാല നന്നായി പിരട്ടി ഇളക്കുക. ആവശ്യത്തിന് വെള്ളവും ഉപ്പും ചേർത്ത് തിളക്കാൻ വെക്കുക. നന്നായി തിളച്ചു കഴിയുമ്പോൾ, തീ അണച്ച് വാങ്ങി വെക്കുക. അപ്പത്തിനൊപ്പമോ ചപ്പാത്തിക്കൊപ്പമോ കൂട്ടാവുന്ന രസികൻ മുട്ട കറി തയ്യാർ .

Egg Curry Recipe