ഇന്നത്തെ പാചകക്കുറിപ്പ് : വായിൽ എരിവ് നിറയ്ക്കും പെപ്പർ ചിക്കൻ

ഡിസംബർ മാസം പിറന്നു കഴിഞ്ഞു. ക്രിസ്തുമസിനെ വരവേൽക്കാൻ നാടും നഗരവും ഒരുങ്ങി കഴിഞ്ഞു. ക്രിസ്തുമസിന്‌ സ്‌പെഷ്യൽ എന്താണ് എന്ന ചോദ്യം പതിവാണ്. ഇക്കുറി നമ്മുക്ക് പറയാം ഈ ക്രിസ്തുമസിന് സ്‌പെഷ്യൽ പെപ്പർ ചിക്കൻ ആണെന്ന് . പെപ്പർ ചിക്കൻ ഉണ്ടാക്കുന്ന വിധം നോക്കാം വേണ്ടുന്ന സാധനങ്ങൾ : ചിക്കൻ , കുരുമുളകുപൊടി , നാരങ്ങാനീര് , ഉപ്പ് , എണ്ണ , ഉള്ളി ,പച്ചമുളക് , കറിവേപ്പില ,ഇഞ്ചി വെളുത്തുള്ളി പേസ്റ്റ് , കുരുമുളക് , മഞ്ഞൾപൊടി , ഗരം മസാല , പെരുംജീരകം ,സോയ സോസ്, ടൊമാറ്റോ സോസ് , ക്യാപ്‌സിക്കം , വെള്ളം തയ്യാറുക്കുന്ന വിധം : ചിക്കൻ ചെറിയ കഷണങ്ങളായി മുറിച്ചു , കുരുമുളകുപൊടിയും , നാരങ്ങാനീരും , ഉപ്പും ചേർത്ത് നന്നായി മിക്സ് ചെയ്തു വെക്കുക . കുരുമുളക് ചെറുതായി പൊടിച്ചു മാറ്റി വെക്കുക . ഒരു പാനെടുത്തു അതിൽ എണ്ണ ഒഴിക്കുക . അതിലേക്ക് ഉള്ളിയും , കറിവേപ്പിലയും , പച്ചമുളകും ഇട്ടു നന്നായി വഴറ്റുക . ഇതിലേക്ക് ഇഞ്ചി വെളുത്തുള്ളി പേസ്റ്റ് ചേർത്ത് വീണ്ടും വഴറ്റുക . ഇതിലേക്ക് പൊടിച്ചു വെച്ചിരിക്കുന്ന കുരുമുളക് , മഞ്ഞൾപൊടി , ഗരംമസാല എന്നിവ ചേർത്ത് വീണ്ടും വഴറ്റുക .തീ കുറച്ചതിനു ശേഷം ആവശ്യത്തിന് സോയ സോസും , ടൊമാറ്റോ സോസും ചേർത്തിളക്കുക .ഇതിലേക്ക് കുരുമുളകൊക്കെ തേച്ചു പിടിപ്പിച്ചു വെച്ചിരിക്കുന്ന ചിക്കൻ കഷണങ്ങൾ ചേർത്തിളക്കുക. ആവശ്യത്തിന് വെള്ളം ഒഴിച്ച് അടച്ചു വെച്ച് വേവിക്കുക. വെന്തു കഴിയുമ്പോൾ അരിഞ്ഞു വെച്ചിരിക്കുന്ന ക്യാപ്സിക്കവും, വേണമെങ്കിൽ അല്പം ഉപ്പും , പെരുംജീരകത്തിന്റെ പൊടിയും ചേർത്ത് നന്നായി ഇളക്കി, വരണ്ടു വരുന്ന വരെ ചെറു തീയിൽ വേവിക്കുക. വരണ്ടു നല്ല റോസ്‌റ്റഡ്‌ പരുവത്തിലാകുമ്പോൾ, തീയണച്ചു ചൂടോടെ വിളമ്പാം .

Share

Save for Later

Related items

ഇന്ന് ലോക തപാൽ ദിനം

കോട്ടയം പബ്ലിക് ലൈബ്രറി പ്രകാശിക്കുക ഇനി സൗരോർജത്തിലൂടെ

ലോക മാനസികാരോഗ്യ ദിനം

കോട്ടയം ആലപ്പുഴ ബോട്ട് യാത്ര ആഘോഷമാക്കി യാത്രക്കാർ

പാലാ കാഞ്ഞിരമറ്റം കെ എസ് ആർ ട്ടി സി ബസ് സർവീസിന് വയസ്സ് അൻപത്

പെൺകുട്ടികളുടെ അന്താരാഷ്ട്ര ദിനം