News and Articles
Home 
About News and Articles 
articles 
Make An Enquiry 
കോച്ചിങ് വേണ്ട, സ്വന്തമായി പഠിച്ചും ഐ.എ.എസ് നേടാം; അനുഭവം പങ്കുവെച്ച് ഐ.എ.എസ്സുകാരി
പേരുകേട്ട കോച്ചിങ് സെന്ററില് നല്ല ഫീസ് കൊടുത്ത് പഠിച്ചാല് മാത്രമേ സിവില് സര്വീസസ് പരീക്ഷ പാസാകുവെന്ന് പറയുന്നവരോട് ഗന്ധര്വ റാത്തോറിന് ചിലത് പറയാനുണ്ട്. ഒരു കോച്ചിങ്ങിനും പോകാതെ 2015-ലെ സിവില് സര്വീസസ് പരീക്ഷയില് 93-ാം റാങ്ക് നേടിയ സ്വന്തം കഥ. ഡല്ഹി യൂണിവേഴ്സിറ്റിയില് കോമേഴ്സില് ബിരുദാനന്തര ബിരുദത്തിന് പഠിക്കുമ്പോഴാണ് സിവില് സര്വീസസെന്ന സ്വപ്നം ഗന്ധര്വയുടെ മനസ്സില് മുളപൊട്ടിയത്. തന്റെ വ്യക്തിത്വത്തിന് യോജിച്ച മേഖലയാണതെന്ന ബോധ്യം ആത്മവിശ്വാസവും നല്കി. അങ്ങനെ പഠനമാരംഭിക്കാനുള്ള തയ്യാറെടുപ്പുകളായി. വെറുമൊരു ജോലി എന്നതിന് പുറമേ നന്നായി ആസ്വദിച്ച് ചെയ്യാന് കഴിയുന്ന പ്രൊഫഷന് തിരഞ്ഞെടുക്കാനുള്ള ആഗ്രഹമാണ് തന്നെ സിവില് സര്വീസിനോട് അടുപ്പിച്ചതെന്ന് അവര് പറയുന്നു. (Success story of Gandharva Rathore IAS, UPSC civil services )
ഏതെങ്കിലുമൊരു പരിശീലന കേന്ദ്രത്തില് ചേരാതെ സ്വന്തമായി പഠിക്കാനുള്ള തീരുമാനമാണ് ഗന്ധര്വയെടുത്തത്. അതിനായി കോച്ചിങ് ക്ലാസ്സുകളില് പോയിരുന്ന സുഹൃത്തുക്കളുടെ സഹായം തേടി. അവരില് നിന്ന് സിലബസ്,
പഠനരീതി, തുടങ്ങിയ വിവരങ്ങള് മനസ്സിലാക്കി. ഇന്റര്നെറ്റില് ലഭ്യമായിരുന്ന നോട്ടുകളും പുസ്തകങ്ങളും ഉപയോഗിച്ച് സ്വന്തമായി പഠനം തുടങ്ങി. പി.ജി പഠിക്കുന്നതിനിടെ ഒരു കോച്ചിങ് സെന്ററില് ചേര്ന്നെങ്കിലും പിന്നീടത് അവസാനിപ്പിച്ച് സ്വയംപഠനം തുടര്ന്നു. കോച്ചിങ് ക്ലാസ്സ്, ഹോസ്റ്റല് ഫീസ് തുടങ്ങിയ ചിലവുകള് വഹിക്കാനുള്ള ബുദ്ധിമുട്ട് കൊണ്ട് കൂടിയാണ് സ്വയം പഠനത്തിലേക്ക് തിരിഞ്ഞതെന്ന് അവര് പറയുന്നു.
;)
