"സുകൃതം" എന്ന ചലച്ചിത്രത്തിന് ഡിസംബർ 22 ന് 25 വയസ്സ്

മലയാളി പ്രേക്ഷകർ നെഞ്ചോട് ചേർത്ത "സുകൃതം " എന്ന ചലച്ചിത്രം വെള്ളിത്തിരയിൽ എത്തിയിട്ട് ഡിസംബർ ഇരുപത്തിരണ്ടാം തീയതി കാൽ നൂറ്റാണ്ട് . എം ടി വാസുദേവൻ നായരുടെ എഴുതി , ഹരികുമാർ സംവിധാനം ചെയ്തു, അറ്റ്ലസ് രാമചന്ദ്രൻ നിർമ്മിച്ച് , മമ്മൂക്ക ജീവൻ നൽകിയ ചിത്രമാണ് സുകൃതം . സുകൃതം കണ്ടിറങ്ങിയ പ്രേക്ഷകരുടെ കണ്പീലിയിൽ ഒരു തുള്ളി കണ്ണുനീർ തങ്ങി നിന്നിട്ടുണ്ടാവും. അത്രയധികം പ്രേക്ഷക പ്രശംസ പിടിച്ചു പറ്റിയ ചിത്രം ആയിരുന്നു സുകൃതം . കാൻസർ ബാധിച്ചു മരണത്തെ വരവേൽക്കാൻ തയ്യാറായി നിൽക്കുന്ന ഒരു കോളേജ് അധ്യാപകൻ , അപ്രതീക്ഷിതമായി തന്നെ തേടി വന്ന ഡോക്ടറുടെ ചികിത്സായിൽ സുഖം പ്രാപിച്ചു , ജീവിതത്തിലേക്ക് മടങ്ങി വന്നപ്പോൾ , എല്ലാവരും തന്നിൽ നിന്ന് അകന്നു എന്ന് മനസിലാക്കി , മരണത്തിലേക്ക് സ്വയം നടന്നു നീങ്ങുന്ന ചെറുപ്പക്കാരൻ. ഇന്നും ചിത്രത്തിന്റെ അവസാന ഭാഗം മായാതെ മനസ്സിൽ തങ്ങി നിൽക്കുന്നു .നിരവധി അവാർഡുകൾ തേടിയെത്തിയ ഒരു ചിത്രം കൂടിയാണ് സുകൃതം . 1995 ലെ , മികച്ച ചലച്ചിത്രത്തിനുള്ള ദേശീയ പുരസ്‌കാരം സുകൃതത്തിനായിരുന്നു . കടലിന്നഗാധമാം നീലിമയിൽ എന്ന് തുടങ്ങുന്ന മനോഹര ഗാനം , ഇന്നും മലയാളിക്ക് ഏറ്റവും പ്രിയപ്പെട്ട ഗാനങ്ങളിൽ ഒന്നാണ് .ഈ ചിത്രത്തിൽ അഭിനയിച്ച പലരും നമ്മെ വിട്ടു പോയിരിക്കുന്നു. ആ പുണ്യാത്മാക്കളുടെ പാവന സ്മരണയിൽ , സുകൃതത്തിന്റെ അണിയറയിൽ പ്രവർത്തിച്ച എല്ലാവർക്കും ഹൃദയം നിറഞ്ഞ ആശംസകൾ .

Share

Save for Later

Related items

ഇന്ന് ലോക തപാൽ ദിനം

കോട്ടയം പബ്ലിക് ലൈബ്രറി പ്രകാശിക്കുക ഇനി സൗരോർജത്തിലൂടെ

ലോക മാനസികാരോഗ്യ ദിനം

കോട്ടയം ആലപ്പുഴ ബോട്ട് യാത്ര ആഘോഷമാക്കി യാത്രക്കാർ

പാലാ കാഞ്ഞിരമറ്റം കെ എസ് ആർ ട്ടി സി ബസ് സർവീസിന് വയസ്സ് അൻപത്

പെൺകുട്ടികളുടെ അന്താരാഷ്ട്ര ദിനം